ภูมินฺธโร วรุโณ นาม นาโค

พฺรหา สุจี วณฺณพลูปปนฺโน ฯ

ตสฺสานุชํ ธีตรํ กามยามิ

อิรนฺทตี ๑ นาม สา นาคกญฺญา

ตสฺสา สุมชฺฌาย ปิยาย เหตุ

ปตารยึ ตุยฺหํ วธาย ธีร ฯ

[๙๘๙] มาเหว เต ๒ ยกฺข อโหสิ โมโห

นฏฺฐา พหู ทุคฺคหิเตน โลกา ๓

กินฺเต สุมชฺฌาย ปิยาย กิจฺจํ

มรเณน เม อิงฺฆ สุโณมิ ๔ สพฺพํ ฯ

[๙๙๐] มหานุภาวสฺส มโหรคสฺส

ธีตุกาโม ญาติภโตหมสฺมิ ๕

ตํ ยาจมานํ สสุโร อโวจ

ยถามมญฺญึสุ สุกามนีตํ ฯ

ทชฺเชมุ โข เต สุตนน สุเนตฺตํ

สุวิมฺหิตํ ๖ จนฺทนลิตฺตคตฺตํ

สเจ ตุวํ ทหยํ ปณฺฑิตสฺส

ธมฺเมน ลทฺธา อิธมาหเรสิ ฯ

เอเตน วิตฺเตน กุมาริ ลพฺภา

นาญฺญํ ธนํ อุตฺตริ ปตฺถยาม

#๑ ม. อิรนฺธตี ฯ ๒ ม. ตฺวํ ฯ ๓ ม. โลเก ฯ ๔ สี. ยุ. สุโณม ฯ ๕ ยุ. #ญาติคโต ฯ ๖ ม. สุจิมฺหิตํ ฯ