ธมฺมาหตํ นาคกุญฺชร

วิธุรสฺส หทยาภิปตฺถเย ฯ

[๘๙๕] จนฺทํ โข ตฺวํ วิมเล โทหฬายสิ

สุริยํ วา อถวาปิ มาลุตํ

ทุลฺลภํ ๑ หิ วิธุรสฺส ทสฺสนํ ๒

โก วิธุรํ อิธมานยิสฺสติ ฯ

[๘๙๖] กินฺนุ ตาต ตุวํ ปชฺฌายสิ

ปทุมํ หตฺถคตํว เต มุขํ

กินฺนุ ทุมฺมนรูโปสิ อิสฺสร

มา ตฺวํ โสจิ อมิตฺตตาปน ฯ

[๘๙๗] มาตา หิ ตว อิรนฺทติ ๓

วิธุรสฺส หทยํ ธนิยฺยติ

ทุลฺลภํ หิ วิธุรสฺส ทสฺสนํ

โก วิธุรํ อิธมานยิสฺสติ ฯ

[๘๙๘] ตํ ภตฺตารํ ๔ ปริเยสนํ จร

โย วิธุรํ อิธมานยิสฺสติ ฯ

ปิตุโน จ สา สุตฺวาน วากฺยํ

รตฺตึ นิกฺขมฺม อวสฺสุตี จริ ฯ

[๘๙๙] เก คนฺธพฺเพ เก รกฺขเส จ นาเค

เก กึปุริเส อถวาปิ มานุเส

#๑-๒ สี. ยุ. ทุลฺลเภ ... ทสฺสเน ฯ ๓ ม. อิรนฺธติ ฯ อิโต ปรํ อีทิสเมว ฯ #๔ ม. ตสฺส ภตฺตุปริเยสนํ ฯ