องฺคสฺส รญฺโญ นครํ ทุราสทํ ๑

พหูตภกฺขํ พหุอนฺนปานํ

มสกฺกสารํ วิย วาสวสฺส ฯ

มยูรโกญฺจคณสงฺฆุฏฺฐํ

ทิชาภิฆุฏฺฐํ ทิชสงฺฆเสวิตํ

นานาสกุณาภิรุทํ สุวงฺคณํ ๒

ปุปฺผาภิกิณฺณํ หิมวํว ปพฺพตํ ฯ

โส ปุณฺณโก เวปุลมาภิรุยฺห ๓

สิลุจฺจยํ กึปุริสานุจิณฺณํ

อนฺเวสมาโน มณิรตนํ อุฬารํ

ตมทฺทส ปพฺพตกูฏมชฺเฌ ฯ

[๙๑๔] ทิสฺวา มณึ ปภสฺสรํ ชาติวนฺตํ ๔

ธนาหรํ ๕ มณิรตนํ อุฬารํ

ททฺทลฺลมานํ ยสสา ยสสฺสินํ

โอภาสตี วิชฺชุริวนฺตลิกฺเข ฯ

ตมคฺคหี เวฬุริยํ มหคฺฆํ

มโนหรํ ๕ นาม มหานุภาวํ

อาชญฺญมารุยฺห อโนมวณฺโณ

ปกฺกามิ เวหายสมนฺตลิกฺเข ฯ

#๑ สี.ม. ทุรายุตํ ฯ ๒ สี.ยุ. สุภงฺคณํ ฯ ๓ ม. -ภิรุหิ ฯ ๔ ม. ชาติมนฺตํ ฯ #๕ ม. มโนหรํ ฯ