กามคิทฺโธ น ชานาสิ มจฺโฉว มรณมตฺตโน ฯ

สเจ คจฺฉสิ ปญฺจาลํ ขิปฺปมตฺตํ ชหิสฺสสิ

มิคํ ปนฺถานุปนฺนํว มหนฺตํ ภยเมสฺสสิ ฯ

อนริยรูโป ปุริโส ชนินฺท

อหีว อุจฺจงฺกคโต ฑเสยฺย

น เตน มิตฺตึ กยิราถ ธีโร

ทุกฺโข หเว กาปุริเสน สงฺคโม ฯ

ยํ เตฺวว ๑ ชญฺญา ปุริโส ๒ ชนินฺท

สีลวายํ พหุสฺสุโต

เตเนว มิตฺตึ กยิราถ ธีโร

สุโข หเว สปฺปุริเสหิ สงฺคโม ฯ

[๖๓๓] พาโล ตุวํ เอลมูโคสิ ราช

โย อุตฺตมตฺถานิ มยี ลปิตฺโถ

กิเมวหํ นงฺคลโกฏิวฑฺโฒ

อตฺถานิ ชานิสฺสํ ๓ ยถาปิ อญฺเญ ฯ

อิมํ คเล คเหตฺวาน นาเสถ วิชิตา มม

โย เม รตนลาภสฺส อนฺตรายาย ภาสติ ฯ

[๖๓๔] มโหสธ อตีเตน นานุวิชฺฌนฺติ ปณฺฑิตา

กึ มํ อสฺสํว สมฺพนฺธํ ปโตเทเนว วิชฺฌสิ ฯ

สเจ ปสฺสสิ โมกฺขํ ๔ เม เขมํ วา ปน ปสฺสสิ #๑ ม. ยเทว ฯ ๒ ม. ปุริสํ ฯ ๓ ม. ชานามิ ฯ ๔ ม. โมกฺขํ วา ฯ