ธญฺญํ ธนํ รชตํ ชาตรูปํ

สุกฺเขสุ กฏฺเฐสุ นเวสุ จาปิ

สเจ ทุเห ติทิเว สพฺพกาเม

เตวิชฺชสงฺฆาว ปุถู ยเชยฺยุํ

น พฺราหฺมณา ๑ กิญฺจิ น ยาชเยยฺยุํ ฯ

กุโต จ ยูเป มณิสงฺขมุตฺตํ

ธญฺญํ ธนํ รชตํ ชาตรูปํ

สุกฺเขสุ กฏฺเฐสุ นเวสุ จาปิ

กุโต ทุเห ติทิเว สพฺพกาเม ฯ

สฐา จ ลุทฺทา จ ปลุทฺธพาลา ๒

จิเตฺรหิ ๓ วณฺเณหิ มุขํ นยนฺติ

อาทาย อคฺคึ มม เทหิ วิตฺตํ

ตโต สุขี โหหิสิ สพฺพกาเม ฯ

ตมคฺคิหุตฺตํ สรณํ ปวิสฺส

จิเตฺรหิ ๓ วณฺเณหิ มุขํ นยนฺติ

โอโรปยิตฺวา เกสมสฺสุํ นขญฺจ

เวเทหิ วิตฺตํ อติคาฬฺหยนฺติ ฯ

กากา อุลูกํว รโห ลภิตฺวา

เอกํ สมานํ พหุกา สเมจฺจ

อนฺนานิ ภุตฺวา กุหกา กุหิตฺวา

#๑ ม. อพฺราหฺมณํ ฯ ๒ สี. ยุ. อุปลทธพาลา ฯ ๓ ม. จิตเตหิ ฯ