สจฺจปฺปฏิญฺญํ เต ปฏิสุโณม ฯ

[๓๘๙] ยถา ปิตา วา อถวาปิ มาตา

อนุกมฺปกา อตฺถกามา ปชานํ

เอวมฺปิ ๑ โว โหตุ อยญฺจ ราชา

ตุเมฺห จ โว โหถ ยเถว ปุตฺตา ฯ

[๓๙๐] ยถา ปิตา วา อถวาปิ มาตา

อนุกมฺปกา อตฺถกามา ปชานํ

เอวมฺปิ ๑ โน โหตุ อยญฺจ ราชา

มยมฺปิ เหสฺสาม ยเถว ปุตฺตา ฯ

[๓๙๑] จตุปฺปทํ สกุณญฺจาปิ มํสํ

สูเทหิ รนฺธํ สุกตํ สุนิฏฺฐิตํ

สุธํว อินฺโท ปริภุญฺชิยาโน

หิตฺวา กเถโก รมสี อรญฺเญ ฯ

ตา ขตฺติยา เวลฺลิวิลากมชฺฌา

อลงฺกตา สมฺปริวารยิตฺวา

อินฺทํว เทเวสุ ปโมทยึสุ

หิตฺวา กเถโก รมสี อรญฺเญ ฯ

ตมฺพูปธาเน พหุโคณกมฺหิ

สุภมฺหิ ๒ สพฺพสฺสยนมฺหิลงฺกเต

สยนสฺส ๓ มชฺฌมฺหิ สุขํ สยิตฺวา

#๑ ม. เอวเมว ฯ ๒ สี. ยุ. สุจิมฺหิ ฯ ๓ ม. เสยฺยสฺส ฯ