น เตน เมตฺตึ ชิรเยถ ปญฺโญ ฯ

[๓๘๔] อทฺธา หิ โส ภกฺโข มม มนาโป

เอตสฺส เหตุมฺหิ วนํ ปวิฏฺโฐ

สเจ จ มํ ยาจสิ เอตมตฺถํ

เอตํปิ เต สมฺม วรํ ททามิ ฯ

[๓๘๕] สตฺถา จ เม โหสิ สขา จ เมสิ

วจนํปิ เต สมฺม อหํ อกาสึ

ตฺวํปิ เม สมฺม กโรหิ วากฺยํ

อุโภปิ คนฺตฺวาน ปโมจยาม ฯ

[๓๘๖] สตฺถา จ เต โหมิ สขา จ ตฺยมฺหิ

วจนํปิ เม สมฺม ตุวํ อกาสิ

อหํปิ เต สมฺม กโรมิ วากฺยํ

อุโภปิ คนฺตฺวาน ปโมจยาม ฯ

[๓๘๗] กมฺมาสปาเทน วิเหฐิตตฺถ

ตลาวุตา อสฺสุมุขา รุทนฺตา

น ชาตุ ทุพฺเภถ อิมสฺส รญฺโญ

สจฺจปฺปฏิญฺญํ เม ปฏิสุณาถ ฯ

[๓๘๘] กมฺมาสปาเทน วิเหฐิตมฺหา

ตลาวุตา อสฺสุมุขา รุทนฺตา

น ชาตุ ทุพฺเภม อิมสฺส รญฺโญ