พหุสฺสุตา เย พหุฐานจินฺติโน

ทีปํ หิ เอตํ ปรมํ นรานํ

ยํ ปณฺฑิตา โสกนุทา ภวนฺติ ฯ

อตฺตาน ญาตี อุทาหุ ปุตฺตทารํ

ธญฺญํ ธนํ รชตํ ชาตรูปํ

กิเมว ตฺวํ สุตโสมานุตปฺเป

โกรพฺยเสฏฺฐ วจนํ สุโณม เต ฯ

[๓๓๔] น จาหมตฺตานมนุตฺถุนามิ

น ปุตฺตทารํ น ธนํ น รฏฺฐํ

สตญฺจ ธมฺโม จริโต ปุราโณ

ตํ สงฺครํ ๑ พฺราหฺมณสฺสานุตปฺเป ฯ

กโต มยา สงฺคโร พฺราหฺมเณน

รฏฺเฐ สเก อิสฺสริเย ฐิเตน

ตํ สงฺครํ พฺราหฺมณสมฺปทาย

สจฺจานุรกฺขี ปุนราวชิสฺสํ ฯ

[๓๓๕] น วาหเมตํ อภิสทฺทหามิ

สุขี นโร มจฺจุมุขา ปมุตฺโต

อมิตฺตหตฺถํ ปุนราวเชยฺย

โกรพฺยเสฏฺฐ น หิ มํ อุเปสิ ฯ

มุตฺโต ตุวํ โปริสาทสฺส หตฺถา

#๑ ม. สงฺกรํ ฯ อิโต ปรํ อีทิสเมว ฯ