วตฺถานิ วตฺถกามานํ โสณฺฑานํ เทถ วารุณึ

โภชนํ โภชนตฺถีนํ สมฺมเทว ปเวจฺฉถ ฯ

มา จ กิญฺจิ วนิพฺพเก เหฐยิตฺถ อิธาคเต

ตปฺเปถ อนฺนปาเนน คจฺฉนฺตุ ปฏิปูชิตา ฯ

(อเถตฺถ วตฺตติ สทฺโท ตุมุโล เภรโว มหา

ทาเนน ตํ นีหรนฺติ ปุน ทานํ อทา ตุวํ ๑ ฯ)

[๑๐๘๓] เต สุ มตฺตา กิลนฺตาว สมฺปตนฺติ วนิพฺพกา

นิกฺขมนฺเต มหาราเช สิวีนํ รฏฺฐวฑฺฒเน ฯ

อจฺเฉจฺฉฉ วต โภ รุกฺขํ นานาผลททํ ทุมํ

ยถา เวสฺสนฺตรํ รฏฺฐา ปพฺพาเชนฺติ อทูสกํ ฯ

อจฺเฉจฺฉฉ วต โภ รุกฺขํ นานาผลธรํ ทุมํ

ยถา เวสฺสนฺตรํ รฏฺฐา ปพฺพาเชนฺติ อทูสกํ ฯ

อจฺเฉจฺฉฉ วต โภ รุกฺขํ สพฺพกามททํ ทุมํ

ยถา เวสฺสนฺตรํ รฏฺฐา ปพฺพาเชนฺติ อทูสกํ ฯ

อจฺเฉจฺฉฉ วต โภ รุกฺขํ สพฺพกามรสาหรํ

ยถา เวสฺสนฺตรํ รฏฺฐา ปพฺพาเชนฺติ อทูสกํ ฯ

เย วุฑฺฒา เย จ ทหรา เย จ มชฺฌิมโปริสา

พาหา ปคฺคยฺห ปกฺกนฺทุํ

นิกฺขมนฺเต มหาราเช สิวีนํ รฏฺฐวฑฺฒเน ฯ #๑ อยํ คาถา ม. โปตฺถเกเยว ทิสฺสติ ฯ