นตฺถิตฺถีนํ ปิโย นาม อปฺปิโยปิ น วิชฺชติ

เสวนฺติ เหตา ปิยมปฺปิยญฺจ

นาวา ยถา โอรกุลํ ปรญฺจ ฯ

นตฺถิตฺถีนํ ปิโย นาม อปฺปิโยปิ น วิชฺชติ

ธนตฺถา ปฏิเวลฺลนฺติ ลตาว ทุมนิสฺสิตา ฯ

หตฺถิพนฺธํ อสฺสพนฺธํ โคปุริสญฺจ จณฺฑาลํ

ฉวทาหกํ ปุปฺผฉฑฺฑกํ สธนํ อนุปตนฺติ นาริโย ฯ

กุลปุตฺตํปิ ชหนฺติ อกิญฺจินํ ฉวกสมํ

สทิสํ อนุปตนฺติ ธนเหตุ จ นาริโยติ ฯ

[๓๑๒] อถ ขลุ โภ นารโท เทวพฺราหฺมโณ อานนฺทสฺส คิชฺฌราชสฺส อาทิมชฺฌคาถาปริโยสานํ วิทิตฺวา ตายํ เวลายํ อิมา คาถาโย อภาสิ

จตฺตาโรเม น ปูเรนฺติ เต เม สุณาถ ภาสโต

สมุทฺโท พฺราหฺมโณ ราชา อิตฺถี จาปิ ทิชมฺปติ ฯ

สริตา สาครํ ยนฺติ ยากาจิ ปฐวิสฺสิตา

ตา สมุทฺทํ น ปูเรนฺติ โอนตฺตา ๑ หิ น ปูรติ ฯ

พฺราหฺมโณ จ อธิยาน ๒ เวทมกฺขานปญฺจมํ

ภิยฺโยปิ สุตมิจฺเฉยฺย โอนตฺตา หิ น ปูรติ ฯ

ราชา จ ปฐวึ สพฺพํ สสมุทฺทํ สปพฺพตํ

อชฺฌาวสํ วิชินิตฺวา อนนฺตรตโนจิตํ #๑ ม. อูนตฺตา ฯ อิโต ปรํ อิทิสเมว ฯ ๒ อธิยานํ อิติปิ ฯ