อวชฺเฌ เทว ฆาเตตฺวา

เอวํ วชนฺติ สุคตึ

นรา ปุญฺญานิ กตฺวาน ฯ

[๗๗๗] กึ ปเนตํ ๑ อติทานํ

เก จ อวชฺฌา อิมสฺมึ โลกสฺมึ

เอตญฺจ โข โน อกฺขาหิ

ยชิสฺสามิ ททามิ ๒ ทานานิ ฯ

[๗๗๘] ปุตฺเตหิ เทว ยชิตพฺพํ

มเหสีหิ เนคเมหิ จ

อุสเภหิ อาชานิเยหิ จตูหิ

สพฺพจตุกฺเกน เทว ยชิตพฺพํ ฯ

[๗๗๙] ตํ สุตฺวา อนฺเตปุเร

กุมารา มเหสิโย จ หญฺญนฺตุ

เอโก อโหสิ นิคฺโฆโส

เภสฺมา ๓ อจฺจุคฺคโต สทฺโท ฯ

[๗๘๐] คจฺฉถ วเทถ กุมาเร

จนฺทญฺจ สุริยญฺจ ภทฺทเสนญฺจ

สุรญฺจ วามโคตฺตญฺจ

ปจุรา ๔ กิร โหถ ยญฺญตฺถาย ฯ

[๗๘๑] กุมาริโยปิ วเทถ

#๑ ม. ปน ตํ ฯ ๒ สี. ยุ. ยชิสฺสาม ททาม ฯ ๓ ม. ภิสฺมา ฯ ๔ สี. ยุ. ปสุรา ฯ้ #อิโต ปรํ อีทิสเมว ฯ