สนฺทิฏฺฐิกํ กลหมิมํ วิวาทํ

โก ปณฺฑิโต ชานมุปพฺพเชยฺย ฯ

[๓๖๖] น ตํ วรํ อรหติ ชนฺตุ ทาตุํ

ยํ วาปิ ทตฺวาน อวากเรยฺย

วรสฺสุ สมฺม อวิกมฺปมาโน

ปาณํ จชิตฺวานปิ ทสฺสเมว ฯ

[๓๖๗] อริยสฺส อริเยน สเมติ สกฺขิ ๑

ปญฺญสฺส ปญฺญาณวตา สเมติ

ปสฺเสยฺย ตํ วสฺสสตํ อโรคํ

เอตํ วรานํ ปฐมํ วรามิ ฯ

[๓๖๘] อริยสฺส อริเยน สเมติ สกฺขิ ๑

ปญฺญสฺส ปญฺญาณวตา สเมติ

ปสฺเสสิ มํ วสฺสสตํ อโรคํ

เอวํ วรานํ ปฐมํ ททามิ ฯ

[๓๖๙] เย ขตฺติยาเส อิธ ภูมิปาลา

มุทฺธาภิสิตฺตา กตนามเธยฺยา

น ตาทิเส ภูมิปตี อเทสิ

เอตํ วรานํ ทุติยํ วรามิ ฯ

[๓๗๐] เย ขตฺติยาเส อิธ ภูมิปาลา

มุทฺธาภิสิตฺตา กตนามเธยฺยา

#๑ ม. สขฺยํ ฯ