อาโป อเปยฺโย ทิรสญฺญุราหุ ๑ ฯ

ปุเร ปุรตฺถา กา กสฺส ภริยา

มโน มนุสฺสํ อชเนสิ ปุพฺเพ

เตนาปิ ธมฺเมน น โกจิ หีโน

เอวมฺปิ โวสฺสคฺควิภงฺคมาหุ ฯ

จณฺฑาลปุตฺโตปิ อธิจฺจ เวเท

ภาเสยฺย มนฺเต กุสโล มตีมา ๒

น ตสฺส มุทฺธา วิผเลยฺย สตฺตธา

มนฺตา อิเม อตฺตวธาย กตา ๓ ฯ

วาจา กตา คิทฺธิ กตา คหิตา

ทุมฺโมจยา กาพฺยาปถานุปนฺนา

พาลาน จิตฺตํ วิสเม นิวิฏฺฐํ

ตทปฺปปญฺญา อภิสทฺทหนฺติ ฯ

สีหสฺส พฺยคฺฆสฺส จ ทีปิโน จ

น วิชฺชตี โปริสิยํพเลน

มนุสฺสภาโว จ ควํว เปกฺโข

ชาตี หิ เตสํ อสมา สมานํ ๔ ฯ

สเจ จ ราชา ปฐวึ วิชิตฺวา

สชีววา อสฺสวา ปาริสชฺโช

สยเมว โส สตฺตุสงฺฆํ วิเชยฺย

#๑ ม. ทฺวรสญฺญุมาหุ ฯ ๒ สี.ยุ. มุตีมา ฯ ๓ สี.ยุ. กตฺตา ฯ ๔ ม. สมานา ฯ