อิจฺฉา โลโภ จ กุมฺมคฺโค อุชุมคฺโค จ สญฺญโม ฯ

รูเป สทฺเท รเส คนฺเธ วาหนสฺส ปธาวโต

ปญฺญา อาโกฏนี ราช ตตฺถ อตฺตาว สารถิ ฯ

สเจ เอเตน ยาเนน สมจริยา ทฬฺหา ธิติ

สพฺพกามทุโห ราช น ชาตุ นิรยํ วเชติ ฯ

[๘๙๒] อลาโต เทวทตฺโตสิ สุนาโม อาสิ ภทฺทชิ

วิชโย สารีปุตฺโตสิ โมคฺคลฺลาโนสิ วีชโก ฯ

สุนกฺขตฺโต ลิจฺฉวิปุตฺโต คุโณ อาสิ อเจลโก

อานนฺโท สา รุจา อาสิ ยา ราชานํ ปสาทยิ ฯ

อุรุเวลกสฺสโป ราชา ปาปทิฏฺฐิ ตทา อหุ

มหาพฺรหฺมา โพธิสตฺโต เอวํ ธาเรถ ชาตกนฺติ ฯ

มหานารทกสฺสปชาตกํ อฏฺฐมํ ฯ

___________________

๙ วิธุรชาตกํ

[๘๙๓] ปณฺฑุ กีสิยาสิ ทุพฺพลา

วณฺณรูปํ น ตเวทิสํ ปุเร

วิมเล อกฺขาหิ ปุจฺฉิตา

กีทิสี ตุยฺหํ สรีรเวทนา ฯ

[๘๙๔] ธมฺโม มนุเชสุ มาตีนํ

โทหโฬ นาม ชนินฺท วจฺจติ