มุณฺฑํ กริตฺวา ยญฺญปโถสชนฺติ ๑ ฯ

เอวํ หิ โส วญฺจิโต พฺราหฺมเณหิ

เอโก สมาโน พหุกา สเมจฺจ

เต โยคโยเคน วิลุมฺปมานา

ทิฏฺฐํ อทิฏฺเฐน ธนํ หรนฺติ ฯ

อกาสิยา ราชูหิ วานุสิฏฺฐา

ตทสฺส อาทาย ธนํ หรนฺติ

เต ตาทิสา โจรสมา อสนฺตา

วชฺฌา น หญฺญนฺติ อริฏฺฐ โลเก ฯ

อินฺทสฺส พาหารสิ ทกฺขิณาติ

ยญฺเญสุ ฉินฺทนฺติ ปลาสยฏฺฐึ

ตญฺเจปิ สจฺจํ มฆวา ฉินฺนพาหุ

เกนสฺส อินฺโท อสุเร ชินาติ ฯ

ตญฺเจว ตุจฺฉํ มฆวา สมงฺคี

หนฺตฺวา อวชฺโฌ ปรโม สุเทโว ๒

มนฺตา อิเม พฺราหฺมณา ตุจฺฉรูปา

สนฺทิฏฺฐิกา วญฺจนา เอส โลเก ฯ

มาลาคิริ หิมวา โย จ วิชฺฌา

สุทสฺสโน นิสโภ กากเวรุ ๓

เอเต จ อญฺเญ จ นคา มหนฺตา

#๑ ม. ...ปโถสฺสชนฺติ ฯ ๒ ม. ส เทโว ฯ ๓ ม. กุเวรุ ฯ