ขรา กฏุกา เวทนา เวทยนฺติ ฯ

[๕๖๙] ตสฺส ปุฏฺโฐ วิยากาสิ มาตลิ เทวสารถิ

วิปากํ ปาปกมฺมานํ ชานํ อกฺขาสิชานโต ฯ

เย ชีวโลกสฺมึ สุปาปทิฏฺฐิโน

วิสฺสาสกมฺมานิ กโรนฺติ โมหา

ปรญฺจ ทิฏฺฐีสุ สมาทเปนฺติ

เต ปาปทิฏฺฐี ๑ ปสเวตฺว ปาปํ

เตเม ชนา อธิมตฺตา ทุกฺขา ติปฺปา

ขรา กฏุกา เวทนา เวทยนฺติ ฯ

[๕๗๐] วิทิตานิ เต มหาราช อาวาสํ ปาปกมฺมินํ

ฐานานิ ลุทฺทกมฺมานํ ทุสฺสีลานญฺจ ยา คติ

อุยฺยาหิทานิ ราชิสิ เทวราชสฺส สนฺติเก ฯ

[๕๗๑] ปญฺจถูปํ ทิสฺสติทํ วิมานํ

มาลาปิลนฺธา สยนสฺส มชฺเฌ

ตตฺถจฺฉตี นาริ มหานุภาวา

อุจฺจาวจํ อิทฺธิ วิกุพฺพมานา

วิตฺตี หิ มํ วินฺทติ สูต ทิสฺวา

ปุจฺฉามิ ตํ มาตลิ เทวสารถิ

อยํ นุ นารี กิมกาสิ สาธุํ

ยา โมทตี สคฺคปฺปตฺตา วิมาเน ฯ

#๑ ยุ. ปาปทิฏฺฐีสุ ฯ