Dassanena pahātabbañca nevadassanena nabhāvanāya pahātabbañca dhammaṁ paccayā dassanena pahātabbo dhammo uppajjati naārammaṇapaccayā—dassanena pahātabbe khandhe ca mahābhūte ca paccayā cittasamuṭṭhānaṁ rūpaṁ. Bhāvanāya pahātabbañca nevadassanena nabhāvanāya pahātabbañca dhammaṁ paccayā nevadassanena nabhāvanāya pahātabbo dhammo uppajjati naārammaṇapaccayā— bhāvanāya pahātabbe khandhe ca mahābhūte ca paccayā cittasamuṭṭhānaṁ rūpaṁ. Naadhipatyādi Dassanena pahātabbaṁ dhammaṁ paccayā dassanena pahātabbo dhammo uppajjati naadhipatipaccayā (sahajātasadisaṁ) … naanantarapaccayā … nasamanantarapaccayā … naaññamaññapaccayā … naupanissayapaccayā. Napurejāta Dassanena pahātabbaṁ dhammaṁ paccayā dassanena pahātabbo dhammo uppajjati napurejātapaccayā—arūpe dassanena pahātabbaṁ ekaṁ khandhaṁ paccayā …pe…. Dassanena pahātabbaṁ dhammaṁ paccayā nevadassanena nabhāvanāya pahātabbo dhammo uppajjati napurejātapaccayā—dassanena pahātabbe khandhe paccayā cittasamuṭṭhānaṁ rūpaṁ. Bhāvanāya pahātabbaṁ dhammaṁ paccayā bhāvanāya pahātabbo dhammo uppajjati napurejātapaccayā—arūpe bhāvanāya pahātabbaṁ ekaṁ khandhaṁ paccayā …pe….