Maggārammaṇañca maggādhipatiñca dhammaṁ paṭicca maggārammaṇo ca maggādhipati ca dhammā uppajjanti naadhipatipaccayā—maggārammaṇañca maggādhipatiñca ekaṁ khandhaṁ paṭicca maggārammaṇā ca maggādhipatī ca tayo khandhā …pe… dve khandhe …pe…. Maggahetukañca maggādhipatiñca dhammaṁ paṭicca maggahetuko dhammo uppajjati naadhipatipaccayā—maggahetuke ca maggādhipatī ca khandhe paṭicca maggahetuko adhipati. Maggahetukañca maggādhipatiñca dhammaṁ paṭicca maggādhipati dhammo uppajjati naadhipatipaccayā—maggahetuke ca maggādhipatī ca khandhe paṭicca maggādhipati adhipati. Maggahetukañca maggādhipatiñca dhammaṁ paṭicca maggahetuko ca maggādhipati ca dhammā uppajjanti naadhipatipaccayā—maggahetuke ca maggādhipatī ca khandhe paṭicca maggahetuko ca maggādhipati ca adhipati. Napurejātādi Maggārammaṇaṁ dhammaṁ paṭicca maggārammaṇo dhammo uppajjati napurejātapaccayā … napacchājātapaccayā. (Paripuṇṇā dvepi.) Naāsevana Maggārammaṇaṁ dhammaṁ paṭicca maggārammaṇo dhammo uppajjati naāsevanapaccayā— maggārammaṇaṁ ekaṁ khandhaṁ paṭicca tayo khandhā …pe… dve khandhe …pe…. Maggārammaṇaṁ dhammaṁ paṭicca maggādhipati dhammo uppajjati naāsevanapaccayā— maggārammaṇaṁ ekaṁ khandhaṁ paṭicca maggādhipatī tayo khandhā …pe… dve khandhe …pe…. Maggārammaṇaṁ dhammaṁ paṭicca maggārammaṇo ca maggādhipati ca dhammā uppajjanti naāsevanapaccayā—maggārammaṇaṁ ekaṁ khandhaṁ paṭicca maggārammaṇā ca maggādhipatī ca tayo khandhā …pe… dve khandhe …pe….