Maggādhipatiṁ dhammaṁ paṭicca maggārammaṇo dhammo uppajjati hetupaccayā— maggādhipatiṁ ekaṁ khandhaṁ paṭicca maggārammaṇā tayo khandhā …pe… dve khandhe …pe…. Maggādhipatiṁ dhammaṁ paṭicca maggahetuko dhammo uppajjati hetupaccayā— maggādhipatiṁ ekaṁ khandhaṁ paṭicca maggahetukā tayo khandhā …pe… dve khandhe …pe…. Maggādhipatiṁ dhammaṁ paṭicca maggārammaṇo ca maggādhipati ca dhammā uppajjanti hetupaccayā—maggādhipatiṁ ekaṁ khandhaṁ paṭicca maggārammaṇā ca maggādhipatī ca tayo khandhā …pe… dve khandhe …pe…. Maggādhipatiṁ dhammaṁ paṭicca maggahetuko ca maggādhipati ca dhammā uppajjanti hetupaccayā—maggādhipatiṁ ekaṁ khandhaṁ paṭicca maggahetukā ca maggādhipatī ca tayo khandhā …pe… dve khandhe …pe…. Maggārammaṇañca maggādhipatiñca dhammaṁ paṭicca maggārammaṇo dhammo uppajjati hetupaccayā—maggārammaṇañca maggādhipatiñca ekaṁ khandhaṁ paṭicca maggārammaṇā tayo khandhā …pe… dve khandhe …pe…. Maggārammaṇañca maggādhipatiñca dhammaṁ paṭicca maggādhipati dhammo uppajjati hetupaccayā—maggārammaṇañca maggādhipatiñca ekaṁ khandhaṁ paṭicca maggādhipatī tayo khandhā …pe… dve khandhe …pe…. Maggārammaṇañca maggādhipatiñca dhammaṁ paṭicca maggārammaṇo ca maggādhipati ca dhammā uppajjanti hetupaccayā—maggārammaṇañca maggādhipatiñca ekaṁ khandhaṁ paṭicca maggārammaṇā ca maggādhipatī ca tayo khandhā …pe… dve khandhe …pe….