Maggārammaṇaṁ dhammaṁ paṭicca maggārammaṇo dhammo uppajjati hetupaccayā— maggārammaṇaṁ ekaṁ khandhaṁ paṭicca tayo khandhā …pe… dve khandhe …pe…. Maggārammaṇaṁ dhammaṁ paṭicca maggādhipati dhammo uppajjati hetupaccayā— maggārammaṇaṁ ekaṁ khandhaṁ paṭicca maggādhipatī tayo khandhā, tayo khandhe paṭicca eko khandho. Dve khandhe …pe…. Maggārammaṇaṁ dhammaṁ paṭicca maggārammaṇo ca maggādhipati ca dhammā uppajjanti hetupaccayā—maggārammaṇaṁ ekaṁ khandhaṁ paṭicca maggārammaṇā ca maggādhipatī ca tayo khandhā …pe… dve khandhe …pe…. Maggahetukaṁ dhammaṁ paṭicca maggahetuko dhammo uppajjati hetupaccayā— maggahetukaṁ ekaṁ khandhaṁ paṭicca tayo khandhā …pe… dve khandhe …pe…. Maggahetukaṁ dhammaṁ paṭicca maggādhipati dhammo uppajjati hetupaccayā— maggahetukaṁ ekaṁ khandhaṁ paṭicca maggādhipatī tayo khandhā …pe… dve khandhe …pe…. Maggahetukaṁ dhammaṁ paṭicca maggahetuko ca maggādhipati ca dhammā uppajjanti hetupaccayā—maggahetukaṁ ekaṁ khandhaṁ paṭicca maggahetukā ca maggādhipatī ca tayo khandhā …pe… dve khandhe …pe…. Maggādhipatiṁ dhammaṁ paṭicca maggādhipati dhammo uppajjati hetupaccayā— maggādhipatiṁ ekaṁ khandhaṁ paṭicca tayo khandhā …pe… dve khandhe …pe….