Hetuṁ abyākataṁ dhammaṁ paṭicca hetu abyākato dhammo uppajjati hetupaccayā. Hetuṁ abyākataṁ dhammaṁ paṭicca nahetu abyākato dhammo uppajjati hetupaccayā. Hetuṁ abyākataṁ dhammaṁ paṭicca hetu abyākato ca nahetu abyākato ca dhammā uppajjanti hetupaccayā. Nahetuṁ abyākataṁ dhammaṁ paṭicca nahetu abyākato dhammo uppajjati hetupaccayā … tīṇi. Hetuṁ abyākatañca nahetuṁ abyākatañca dhammaṁ paṭicca hetu abyākato dhammo uppajjati hetupaccayā … tīṇi. Hetuṁ abyākataṁ dhammaṁ paṭicca hetu abyākato dhammo uppajjati ārammaṇapaccayā. (Saṅkhittaṁ.) Hetuyā nava, ārammaṇe nava, adhipatiyā nava, anantare nava, samanantare nava, sahajāte nava, aññamaññe nava, nissaye nava, upanissaye nava, purejāte nava, āsevane nava, kamme nava, vipāke nava, āhāre nava, indriye nava, jhāne nava, magge nava, sampayutte nava, vippayutte nava, atthiyā nava, natthiyā nava, vigate nava, avigate nava. (Anulomaṁ.) Nahetu-naārammaṇa Nahetuṁ abyākataṁ dhammaṁ paṭicca nahetu abyākato dhammo uppajjati nahetupaccayā. Hetuṁ abyākataṁ dhammaṁ paṭicca nahetu abyākato dhammo uppajjati naārammaṇapaccayā. Nahetuṁ abyākataṁ dhammaṁ paṭicca nahetu abyākato dhammo uppajjati naārammaṇapaccayā. Hetuṁ abyākatañca nahetuṁ abyākatañca dhammaṁ paṭicca nahetu abyākato dhammo uppajjati naārammaṇapaccayā. Naadhipatyādi