Ārammaṇe nava, adhipatiyā dasa, anantare satta, samanantare satta, sahajāte nava, aññamaññe tīṇi, nissaye terasa, upanissaye nava, purejāte tīṇi, pacchājāte tīṇi, āsevane tīṇi, kamme satta, vipāke ekaṁ, āhāre satta, indriye satta, jhāne satta, magge satta, sampayutte tīṇi, vippayutte pañca, atthiyā terasa, natthiyā satta, vigate satta, avigate terasa. (Saṅkhittaṁ.) Nahetuyā pannarasa, naārammaṇe pannarasa. (Saṅkhittaṁ.) Ārammaṇapaccayā nahetuyā nava. (Saṅkhittaṁ.) Nahetupaccayā ārammaṇe nava. (Saṅkhittaṁ.) (Yathā kusalattike pañhāvāraṁ, evaṁ vitthāretabbaṁ.) 4.1.2. Vedanāttika, Hetuduka Paccayacatukka Sukhāya vedanāya sampayuttaṁ hetuṁ dhammaṁ paṭicca sukhāya vedanāya sampayutto hetu dhammo uppajjati hetupaccayā. Dukkhāya vedanāya sampayuttaṁ hetuṁ dhammaṁ paṭicca dukkhāya vedanāya sampayutto hetu dhammo uppajjati hetupaccayā. Adukkhamasukhāya vedanāya sampayuttaṁ hetuṁ dhammaṁ paṭicca adukkhamasukhāya vedanāya sampayutto hetu dhammo uppajjati hetupaccayā. (Saṅkhittaṁ.) Hetuyā tīṇi, ārammaṇe tīṇi, adhipatiyā tīṇi …pe… vipāke dve …pe… avigate tīṇi. (Saṅkhittaṁ.) Naadhipatiyā tīṇi, napurejāte dve, napacchājāte tīṇi, naāsevane tīṇi, navipāke tīṇi, navippayutte dve. (Saṅkhittaṁ.)