Nahetuyā ekaṁ, naārammaṇe tīṇi, naadhipatiyā nava, naanantare tīṇi, nasamanantare tīṇi, naaññamaññe tīṇi, naupanissaye tīṇi, napurejāte nava, napacchājāte nava, naāsevane nava, nakamme tīṇi, navipāke nava, naāhāre ekaṁ, naindriye ekaṁ, najhāne ekaṁ, namagge ekaṁ, nasampayutte tīṇi, navippayutte nava, nonatthiyā tīṇi, novigate tīṇi. (Saṅkhittaṁ.) Hetupaccayā naārammaṇe tīṇi. (Saṅkhittaṁ.) Nahetupaccayā ārammaṇe ekaṁ. (Saṅkhittaṁ.) (Sahajātavāropi paccayavāropi nissayavāropi saṁsaṭṭhavāropi sampayuttavāropi paṭiccavārasadisā vitthāretabbā.) Hetvādi Hetu asaṅkiliṭṭhasaṅkilesiko dhammo hetussa asaṅkiliṭṭhasaṅkilesikassa dhammassa hetupaccayena paccayo … tīṇi. Hetu asaṅkiliṭṭhasaṅkilesiko dhammo hetussa asaṅkiliṭṭhasaṅkilesikassa dhammassa ārammaṇapaccayena paccayo … nava. Hetu asaṅkiliṭṭhasaṅkilesiko dhammo hetussa asaṅkiliṭṭhasaṅkilesikassa dhammassa adhipatipaccayena paccayo—ārammaṇādhipati, sahajātādhipati … tīṇi. Nahetu asaṅkiliṭṭhasaṅkilesiko dhammo nahetussa asaṅkiliṭṭhasaṅkilesikassa dhammassa adhipatipaccayena paccayo—ārammaṇādhipati, sahajātādhipati … tīṇi.