Hetuṁ anupādinnupādāniyañca nahetuṁ anupādinnupādāniyañca dhammaṁ paṭicca hetu anupādinnupādāniyo dhammo uppajjati hetupaccayā … tīṇi. (Saṅkhittaṁ.) Hetuyā nava, ārammaṇe nava, adhipatiyā nava, anantare nava, samanantare nava, sahajāte nava, aññamaññe nava, nissaye nava, upanissaye nava, purejāte nava, āsevane nava, kamme nava, vipāke ekaṁ, āhāre nava, indriye nava, sampayutte nava, vippayutte nava, atthiyā nava, natthiyā nava, vigate nava, avigate nava. Nahetu-naārammaṇa Nahetuṁ anupādinnupādāniyaṁ dhammaṁ paṭicca nahetu anupādinnupādāniyo dhammo uppajjati nahetupaccayā … dve. Hetuṁ anupādinnupādāniyaṁ dhammaṁ paṭicca nahetu anupādinnupādāniyo dhammo uppajjati naārammaṇapaccayā. Nahetuṁ anupādinnupādāniyaṁ dhammaṁ paṭicca nahetu anupādinnupādāniyo dhammo uppajjati naārammaṇapaccayā. Hetuṁ anupādinnupādāniyañca nahetuṁ anupādinnupādāniyañca dhammaṁ paṭicca nahetu anupādinnupādāniyo dhammo uppajjati naārammaṇapaccayā. (Saṅkhittaṁ.)