Abyākataṁ sappaccayaṁ dhammaṁ paṭicca abyākato sappaccayo dhammo uppajjati hetupaccayā. Kusalaṁ sappaccayañca abyākataṁ sappaccayañca dhammaṁ paṭicca abyākato sappaccayo dhammo uppajjati hetupaccayā. Akusalaṁ sappaccayañca abyākataṁ sappaccayañca dhammaṁ paṭicca abyākato sappaccayo dhammo uppajjati hetupaccayā. Kusalaṁ sappaccayaṁ dhammaṁ paṭicca kusalo sappaccayo dhammo uppajjati ārammaṇapaccayā. Akusalaṁ sappaccayaṁ dhammaṁ paṭicca akusalo sappaccayo dhammo uppajjati ārammaṇapaccayā. Abyākataṁ sappaccayaṁ dhammaṁ paṭicca abyākato sappaccayo dhammo uppajjati ārammaṇapaccayā. (Saṅkhittaṁ.) Hetuyā nava, ārammaṇe tīṇi, adhipatiyā nava …pe… vipāke ekaṁ …pe… avigate nava. (Saṅkhittaṁ.) Paccanīya Nahetu Akusalaṁ sappaccayaṁ dhammaṁ paṭicca akusalo sappaccayo dhammo uppajjati nahetupaccayā. Abyākataṁ sappaccayaṁ dhammaṁ paṭicca abyākato sappaccayo dhammo uppajjati nahetupaccayā. (Saṅkhittaṁ.) Nahetuyā dve, naārammaṇe pañca, naadhipatiyā nava, napurejāte satta, napacchājāte naāsevane nava, nakamme tīṇi, navipāke nava, naāhāre …pe… namagge ekaṁ …pe… navippayutte tīṇi …pe… novigate pañca. (Saṅkhittaṁ.) Hetupaccayā naārammaṇe pañca. (Saṅkhittaṁ.) Nahetupaccayā ārammaṇe dve. (Saṅkhittaṁ.) (Sahajātavārampi …pe… sampayuttavārampi paṭiccavārasadisaṁ.) Hetu-ārammaṇa