Nahetuyā pañcatiṁsa, naārammaṇe pañcatiṁsa, naadhipatiyā pañcatiṁsa. (Saṅkhittaṁ.) Ārammaṇapaccayā nahetuyā ekavīsa. (Saṅkhittaṁ.) Nahetupaccayā ārammaṇe ekavīsa. (Saṅkhittaṁ.) (Yathā kusalattike pañhāvāraṁ, evaṁ vitthāretabbaṁ.) 4.1.7. Pītittika, Hetuduka Paccayacatukka Pītisahagataṁ hetuṁ dhammaṁ paṭicca pītisahagato hetu dhammo uppajjati hetupaccayā … tīṇi. Sukhasahagataṁ hetuṁ dhammaṁ paṭicca sukhasahagato hetu dhammo uppajjati hetupaccayā … tīṇi. Upekkhāsahagataṁ hetuṁ dhammaṁ paṭicca upekkhāsahagato hetu dhammo uppajjati hetupaccayā … ekaṁ. Pītisahagataṁ hetuñca sukhasahagataṁ hetuñca dhammaṁ paṭicca pītisahagato hetu dhammo uppajjati hetupaccayā … tīṇi. (Saṅkhittaṁ.) Hetuyā dasa, ārammaṇe dasa …pe… avigate dasa. (Saṅkhittaṁ.) Naadhipatiyā dasa, napurejāte dasa, napacchājāte dasa, naāsevane dasa, navipāke dasa, navippayutte dasa. (Saṅkhittaṁ.) (Sahajātavārampi …pe… sampayuttavārampi vitthāretabbaṁ.) Hetu-ārammaṇādi Pītisahagato hetu dhammo pītisahagatassa hetussa dhammassa hetupaccayena paccayo … tīṇi. Sukhasahagato hetu dhammo sukhasahagatassa hetussa dhammassa hetupaccayena paccayo … tīṇi.