Anāsavaṁ abyākataṁ dhammaṁ paṭicca anāsavo abyākato dhammo uppajjati hetupaccayā. Anāsavaṁ abyākataṁ dhammaṁ paṭicca sāsavo abyākato dhammo uppajjati hetupaccayā. Anāsavaṁ abyākataṁ dhammaṁ paṭicca sāsavo abyākato ca anāsavo abyākato ca dhammā uppajjanti hetupaccayā. Sāsavaṁ abyākatañca anāsavaṁ abyākatañca dhammaṁ paṭicca sāsavo abyākato dhammo uppajjati hetupaccayā. (Saṅkhittaṁ.) Hetuyā pañca, ārammaṇe dve, adhipatiyā pañca …pe… āsevane ekaṁ …pe… vipāke pañca …pe… avigate pañca. (Saṅkhittaṁ.) Nahetuyā ekaṁ, naārammaṇe tīṇi, naadhipatiyā dve, napurejāte cattāri, napacchājāte naāsevane pañca, nakamme …pe… namagge ekaṁ …pe… navippayutte dve …pe… novigate tīṇi. (Saṅkhittaṁ.) (Sahajātavāropi …pe… sampayuttavāropi sabbattha vitthāretabbo.) 3.4.3.1.7. Pañhāvāra Paccayacatukka Hetu Sāsavo abyākato dhammo sāsavassa abyākatassa dhammassa hetupaccayena paccayo. Anāsavo abyākato dhammo anāsavassa abyākatassa dhammassa hetupaccayena paccayo. (Saṅkhittaṁ.) Hetuyā cattāri, ārammaṇe tīṇi, adhipatiyā anantare samanantare cattāri, sahajāte pañca, aññamaññe dve, nissaye satta, upanissaye cattāri, purejāte pacchājāte dve, āsevane ekaṁ, kamme …pe… magge cattāri, sampayutte dve, vippayutte tīṇi …pe… avigate satta. (Saṅkhittaṁ.) (Yathā kusalattike pañhāvārassa anulomampi paccanīyampi anulomapaccanīyampi paccanīyānulomampi gaṇitaṁ, evaṁ gaṇetabbaṁ.) Sāsavadukakusalattikaṁ niṭṭhitaṁ. 3.4.3. Āsavasampayuttaduka, Kusalattika 3.4.3.1. Kusalapada 3.4.3.1.1–7 Paṭiccādivāra Paccayacatukka Hetu