Savitakkasavicāraṁ nahetuñca avitakkaavicāraṁ nahetuñca dhammaṁ paṭicca savitakkasavicāro nahetu ca avitakkavicāramatto nahetu ca dhammā uppajjanti hetupaccayā (cha). Savitakkasavicāraṁ nahetuñca avitakkaavicāraṁ nahetuñca dhammaṁ paṭicca savitakkasavicāro nahetu ca avitakkavicāramatto nahetu ca avitakkaavicāro nahetu ca dhammā uppajjanti hetupaccayā (satta). Avitakkavicāramattaṁ nahetuñca avitakkaavicāraṁ nahetuñca dhammaṁ paṭicca savitakkasavicāro nahetu dhammo uppajjati hetupaccayā (ekaṁ). Avitakkavicāramattaṁ nahetuñca avitakkaavicāraṁ nahetuñca dhammaṁ paṭicca avitakkavicāramatto nahetu dhammo uppajjati hetupaccayā (dve). Avitakkavicāramattaṁ nahetuñca avitakkaavicāraṁ nahetuñca dhammaṁ paṭicca avitakkaavicāro nahetu dhammo uppajjati hetupaccayā (tīṇi). Avitakkavicāramattaṁ nahetuñca avitakkaavicāraṁ nahetuñca dhammaṁ paṭicca savitakkasavicāro nahetu ca avitakkaavicāro nahetu ca dhammā uppajjanti hetupaccayā (cattāri). Avitakkavicāramattaṁ nahetuñca avitakkaavicāraṁ nahetuñca dhammaṁ paṭicca avitakkavicāramatto nahetu ca avitakkaavicāro nahetu ca dhammā uppajjanti hetupaccayā (pañca). Savitakkasavicāraṁ nahetuñca avitakkavicāramattaṁ nahetuñca dhammaṁ paṭicca savitakkasavicāro nahetu dhammo uppajjati hetupaccayā (ekaṁ). Savitakkasavicāraṁ nahetuñca avitakkavicāramattaṁ nahetuñca dhammaṁ paṭicca avitakkaavicāro nahetu dhammo uppajjati hetupaccayā (dve).