Hetuyā ekaṁ, ārammaṇe ekaṁ, adhipatiyā ekaṁ, anantare ekaṁ, samanantare ekaṁ …pe… kamme ekaṁ …pe… avigate ekaṁ. (Saṅkhittaṁ.) Paccanīyuddhāra Hetusampayutto kusalo dhammo hetusampayuttassa kusalassa dhammassa ārammaṇapaccayena paccayo … sahajātapaccayena paccayo … upanissayapaccayena paccayo. Nahetuyā ekaṁ, naārammaṇe ekaṁ. (Saṅkhittaṁ.) Hetupaccayā naārammaṇe ekaṁ. (Saṅkhittaṁ.) Nahetupaccayā ārammaṇe ekaṁ. (Saṅkhittaṁ.) (Yathā kusalattike pañhāvārassa anulomampi paccanīyampi anulomapaccanīyampi paccanīyānulomampi gaṇitaṁ, evaṁ gaṇetabbaṁ.) 3.2.3.2. Akusalapada 3.2.3.2.1–6 Paṭiccādivāra Paccayacatukka Hetu-ārammaṇa Hetusampayuttaṁ akusalaṁ dhammaṁ paṭicca hetusampayutto akusalo dhammo uppajjati hetupaccayā. Hetuvippayuttaṁ akusalaṁ dhammaṁ paṭicca hetusampayutto akusalo dhammo uppajjati hetupaccayā. Hetusampayuttaṁ akusalañca hetuvippayuttaṁ akusalañca dhammaṁ paṭicca hetusampayutto akusalo dhammo uppajjati hetupaccayā. Hetusampayuttaṁ akusalaṁ dhammaṁ paṭicca hetusampayutto akusalo dhammo uppajjati ārammaṇapaccayā … tīṇi.