Hetuṁ paṇītañca nahetuṁ paṇītañca dhammaṁ paṭicca hetu paṇīto dhammo uppajjati hetupaccayā … tīṇi. (Saṅkhittaṁ.) Hetuyā nava, ārammaṇe nava, adhipatiyā nava …pe… kamme nava, vipāke nava, āhāre nava …pe… avigate nava. (Saṅkhittaṁ.) Naadhipati Hetuṁ paṇītaṁ dhammaṁ paṭicca hetu paṇīto dhammo uppajjati naadhipatipaccayā. (Saṅkhittaṁ.) Naadhipatiyā cha, napurejāte nava, napacchājāte nava, naāsevane nava, nakamme tīṇi, navipāke nava, navippayutte nava. (Saṅkhittaṁ.) Hetupaccayā naadhipatiyā cha. (Saṅkhittaṁ.) Naadhipatipaccayā hetuyā cha. (Saṅkhittaṁ.) (Sahajātavāropi paccayavāropi nissayavāropi saṁsaṭṭhavāropi sampayuttavāropi paṭiccavārasadisā vitthāretabbā.) Hetvādi Hetu paṇīto dhammo hetussa paṇītassa dhammassa hetupaccayena paccayo … tīṇi. Nahetu paṇīto dhammo nahetussa paṇītassa dhammassa ārammaṇapaccayena paccayo … tīṇi. Hetu paṇīto dhammo hetussa paṇītassa dhammassa adhipatipaccayena paccayo— ārammaṇādhipati, sahajātādhipati … tīṇi. (Saṅkhittaṁ.)