(Sahajātavārampi …pe… sampayuttavārampi paṭiccavārasadisaṁ vitthāretabbaṁ.) Dassanena pahātabbahetuko hetu dhammo dassanena pahātabbahetukassa hetussa dhammassa hetupaccayena paccayo. (Saṅkhittaṁ.) Hetuyā tīṇi, ārammaṇe aṭṭha, adhipatiyā cha, anantare samanantare pañca, sahajāte aññamaññe nissaye tīṇi, upanissaye aṭṭha, āsevane tīṇi, vipāke indriye magge ekaṁ, sampayutte tīṇi …pe… avigate tīṇi. (Saṅkhittaṁ.) Nahetuyā aṭṭha, naārammaṇe aṭṭha. (Saṅkhittaṁ.) Hetupaccayā naārammaṇe tīṇi. (Saṅkhittaṁ.) Nahetupaccayā ārammaṇe aṭṭha. (Saṅkhittaṁ.) (Yathā kusalattike pañhāvāraṁ, evaṁ vitthāretabbaṁ.) Hetu Dassanena pahātabbahetukaṁ nahetuṁ dhammaṁ paṭicca dassanena pahātabbahetuko nahetu dhammo uppajjati hetupaccayā … tīṇi. Bhāvanāya pahātabbahetukaṁ nahetuṁ dhammaṁ paṭicca bhāvanāya pahātabbahetuko nahetu dhammo uppajjati hetupaccayā … tīṇi. Nevadassanena nabhāvanāya pahātabbahetukaṁ nahetuṁ dhammaṁ paṭicca nevadassanena nabhāvanāya pahātabbahetuko nahetu dhammo uppajjati hetupaccayā … tīṇi. (Saṅkhittaṁ.) Hetuyā nava, ārammaṇe tīṇi …pe… avigate nava. (Saṅkhittaṁ.) Nahetu Nevadassanena nabhāvanāya pahātabbahetukaṁ nahetuṁ dhammaṁ paṭicca nevadassanena nabhāvanāya pahātabbahetuko nahetu dhammo uppajjati nahetupaccayā. (Saṅkhittaṁ.)