Noāsavaṁ kusalaṁ dhammaṁ paṭicca noāsavo kusalo dhammo uppajjati hetupaccayā. (Saṅkhittaṁ.) Hetuyā ekaṁ, ārammaṇe ekaṁ …pe… kamme ekaṁ …pe… avigate ekaṁ. (Saṅkhittaṁ.) (Sahajātavārepi …pe… pañhāvārepi sabbattha ekaṁ.) 3.4.1.2. Akusalapada Hetu Āsavaṁ akusalaṁ dhammaṁ paṭicca āsavo akusalo dhammo uppajjati hetupaccayā. (Saṅkhittaṁ.) Hetuyā nava, ārammaṇe nava …pe… avigate nava. (Saṅkhittaṁ.) Nahetuyā ekaṁ, naadhipatiyā nava …pe… nakamme tīṇi, navipāke nava, navippayutte nava. (Saṅkhittaṁ.) (Sahajātavāropi …pe… sampayuttavāropi sabbattha vitthāretabbo.) Āsavo akusalo dhammo āsavassa akusalassa dhammassa hetupaccayena paccayo.