Bhāvanāya pahātabbo nahetu dhammo bhāvanāya pahātabbassa nahetussa dhammassa ārammaṇapaccayena paccayo … tīṇi. Nevadassanena nabhāvanāya pahātabbo nahetu dhammo nevadassanena nabhāvanāya pahātabbassa nahetussa dhammassa ārammaṇapaccayena paccayo … tīṇi. (Saṅkhittaṁ.) Ārammaṇe aṭṭha, adhipatiyā dasa, anantare samanantare satta, sahajāte nava, aññamaññe tīṇi, nissaye terasa, upanissaye aṭṭha, purejāte pacchājāte āsevane tīṇi, kamme satta, vipāke ekaṁ, āhāre indriye jhāne magge satta, sampayutte tīṇi, vippayutte pañca …pe… avigate terasa. (Saṅkhittaṁ.) Nahetuyā cuddasa, naārammaṇe cuddasa. (Saṅkhittaṁ.) Ārammaṇapaccayā nahetuyā aṭṭha. (Saṅkhittaṁ.) Nahetupaccayā ārammaṇe aṭṭha. (Saṅkhittaṁ.) (Yathā kusalattike pañhāvāraṁ, evaṁ vitthāretabbaṁ.) 4.1.9. Dassanenapahātabbahetukattika, Hetuduka Hetu Dassanena pahātabbahetukaṁ hetuṁ dhammaṁ paṭicca dassanena pahātabbahetuko hetu dhammo uppajjati hetupaccayā. Bhāvanāya pahātabbahetukaṁ hetuṁ dhammaṁ paṭicca bhāvanāya pahātabbahetuko hetu dhammo uppajjati hetupaccayā. Nevadassanena nabhāvanāya pahātabbahetukaṁ hetuṁ dhammaṁ paṭicca nevadassanena nabhāvanāya pahātabbahetuko hetu dhammo uppajjati hetupaccayā (Saṅkhittaṁ.) Hetuyā tīṇi, ārammaṇe tīṇi …pe… avigate tīṇi. (Saṅkhittaṁ.) Naadhipatiyā tīṇi, napurejāte tīṇi …pe… navippayutte tīṇi. (Saṅkhittaṁ.)