Nahetuyā ekaṁ, naārammaṇe pañca, naadhipatiyā cha, napurejāte satta …pe… nakamme tīṇi …pe… navippayutte tīṇi …pe… novigate pañca. (Saṅkhittaṁ.) (Sahajātavārampi …pe… sampayuttavārampi vitthāretabbaṁ.) Ārammaṇa-adhipati Saṅkiliṭṭhasaṅkilesiko nahetu dhammo saṅkiliṭṭhasaṅkilesikassa nahetussa dhammassa ārammaṇapaccayena paccayo … dve. Asaṅkiliṭṭhasaṅkilesiko nahetu dhammo asaṅkiliṭṭhasaṅkilesikassa nahetussa dhammassa ārammaṇapaccayena paccayo … dve. Asaṅkiliṭṭhaasaṅkilesiko nahetu dhammo asaṅkiliṭṭhaasaṅkilesikassa nahetussa dhammassa ārammaṇapaccayena paccayo … dve. Saṅkiliṭṭhasaṅkilesiko nahetu dhammo saṅkiliṭṭhasaṅkilesikassa nahetussa dhammassa adhipatipaccayena paccayo … tīṇi. Asaṅkiliṭṭhasaṅkilesiko nahetu dhammo asaṅkiliṭṭhasaṅkilesikassa nahetussa dhammassa adhipatipaccayena paccayo … dve. Asaṅkiliṭṭhaasaṅkilesiko nahetu dhammo asaṅkiliṭṭhaasaṅkilesikassa nahetussa dhammassa adhipatipaccayena paccayo … tīṇi. (Saṅkhittaṁ.) Ārammaṇe cha, adhipatiyā aṭṭha, anantare satta, samanantare satta, sahajāte nava, aññamaññe tīṇi, nissaye terasa, upanissaye aṭṭha, āsevane tīṇi, kamme satta, vipāke cattāri, āhāre satta, indriye jhāne magge satta, sampayutte tīṇi, vippayutte pañca …pe… avigate terasa. (Saṅkhittaṁ.) Nahetuyā cuddasa, naārammaṇe cuddasa. (Saṅkhittaṁ.)