(Yathā kusalattike pañhāvārassa anulomampi paccanīyampi anulomapaccanīyampi paccanīyānulomampi gaṇitaṁ, evaṁ gaṇetabbaṁ.) Saññojanagocchakakusalattikaṁ niṭṭhitaṁ. 3.6. Ganthagocchaka, Kusalattika 3.6.1.1–7. Paṭiccādivāra Paccayacatukka Noganthaṁ kusalaṁ dhammaṁ paṭicca nogantho kusalo dhammo uppajjati hetupaccayā. (Saṅkhittaṁ.) Hetuyā ekaṁ, ārammaṇe ekaṁ …pe… avigate ekaṁ. (Saṅkhittaṁ.) (Sahajātavārepi …pe… pañhāvārepi sabbattha ekaṁ.) Ganthaṁ akusalaṁ dhammaṁ paṭicca gantho akusalo dhammo uppajjati hetupaccayā. Ganthaṁ akusalaṁ dhammaṁ paṭicca nogantho akusalo dhammo uppajjati hetupaccayā. Ganthaṁ akusalaṁ dhammaṁ paṭicca gantho akusalo ca nogantho akusalo ca dhammā uppajjanti hetupaccayā. Noganthaṁ akusalaṁ dhammaṁ paṭicca nogantho akusalo dhammo uppajjati hetupaccayā … tīṇi. Ganthaṁ akusalañca noganthaṁ akusalañca dhammaṁ paṭicca gantho akusalo dhammo uppajjati hetupaccayā … tīṇi. (Saṅkhittaṁ.) Hetuyā nava, ārammaṇe nava …pe… avigate nava. (Saṅkhittaṁ.)