Ārammaṇe pañca, adhipatiyā aṭṭha, anantare pañca, samanantare pañca, sahajāte nava, aññamaññe tīṇi, nissaye terasa, upanissaye satta, purejāte pacchājāte āsevane tīṇi, kamme satta, vipāke ekaṁ, āhāre indriye jhāne magge satta, sampayutte tīṇi, vippayutte pañca …pe… avigate terasa. (Saṅkhittaṁ.) Nahetuyā terasa, naārammaṇe terasa, naadhipatiyā terasa. (Saṅkhittaṁ.) Ārammaṇapaccayā nahetuyā pañca. (Saṅkhittaṁ.) Nahetupaccayā ārammaṇe pañca. (Saṅkhittaṁ.) (Yathā kusalattike pañhāvāraṁ, evaṁ vitthāretabbaṁ.) 4.1.16. Maggārammaṇattika, Hetuduka Hetu Maggārammaṇaṁ hetuṁ dhammaṁ paṭicca maggārammaṇo hetu dhammo uppajjati hetupaccayā … tīṇi. Maggahetukaṁ hetuṁ dhammaṁ paṭicca maggahetuko hetu dhammo uppajjati hetupaccayā … tīṇi. Maggādhipatiṁ hetuṁ dhammaṁ paṭicca maggādhipati hetu dhammo uppajjati hetupaccayā … pañca. Maggārammaṇaṁ hetuñca maggādhipatiṁ hetuñca dhammaṁ paṭicca maggārammaṇo hetu dhammo uppajjati hetupaccayā … tīṇi. Maggahetukaṁ hetuñca maggādhipatiṁ hetuñca dhammaṁ paṭicca maggahetuko hetu dhammo uppajjati hetupaccayā … tīṇi. (Saṅkhittaṁ.) Hetuyā sattarasa …pe… avigate sattarasa. (Saṅkhittaṁ.)