Ganthañceva ganthasampayuttañca akusalaṁ dhammaṁ paṭicca gantho ceva ganthasampayutto ca akusalo dhammo uppajjati hetupaccayā. (Saṅkhittaṁ.) Hetuyā nava, ārammaṇe nava …pe… avigate nava. (Saṅkhittaṁ.) Naadhipatiyā nava, napurejāte nava, nakamme tīṇi …pe… navippayutte nava. (Saṅkhittaṁ.) (Sahajātavāropi …pe… sampayuttavāropi paṭiccavārasadisā.) Gantho ceva ganthasampayutto ca akusalo dhammo ganthassa ceva ganthasampayuttassa ca akusalassa dhammassa hetupaccayena paccayo. (Saṅkhittaṁ.) Hetuyā nava, ārammaṇe nava …pe… kamme āhāre indriye jhāne tīṇi …pe… avigate nava. (Saṅkhittaṁ.) Nahetuyā nava, naārammaṇe nava. (Saṅkhittaṁ.) Hetupaccayā naārammaṇe nava. (Saṅkhittaṁ.) Nahetupaccayā ārammaṇe nava. (Saṅkhittaṁ.)