Abyākato arūpī dhammo abyākatassa arūpissa dhammassa ārammaṇapaccayena paccayo. (Saṅkhittaṁ.) Hetuyā tīṇi, ārammaṇe nava, adhipatiyā satta, anantare satta …pe… sahajāte aññamaññe nissaye tīṇi, upanissaye nava, āsevane tīṇi, kamme pañca, vipāke ekaṁ, āhāre …pe… sampayutte tīṇi …pe… avigate tīṇi. (Saṅkhittaṁ.) (Yathā kusalattike pañhāvāraṁ, evaṁ vitthāretabbaṁ.) 4.3.6. Kusalattika, Lokiyaduka Hetu Kusalaṁ lokiyaṁ dhammaṁ paṭicca kusalo lokiyo dhammo uppajjati hetupaccayā. Kusalaṁ lokiyaṁ dhammaṁ paṭicca abyākato lokiyo dhammo uppajjati hetupaccayā. Kusalaṁ lokiyaṁ dhammaṁ paṭicca kusalo lokiyo ca abyākato lokiyo ca dhammā uppajjanti hetupaccayā. Akusalaṁ lokiyaṁ dhammaṁ paṭicca akusalo lokiyo dhammo uppajjati hetupaccayā … tīṇi. Abyākataṁ lokiyaṁ dhammaṁ paṭicca abyākato lokiyo dhammo uppajjati hetupaccayā. Kusalaṁ lokiyañca abyākataṁ lokiyañca dhammaṁ paṭicca abyākato lokiyo dhammo uppajjati hetupaccayā. Akusalaṁ lokiyañca abyākataṁ lokiyañca dhammaṁ paṭicca abyākato lokiyo dhammo uppajjati hetupaccayā (Saṅkhittaṁ.) Hetuyā nava, ārammaṇe tīṇi …pe… vipāke ekaṁ …pe… avigate nava. (Saṅkhittaṁ.) Nahetu