Kusalaṁ kenaci viññeyyaṁ dhammaṁ paṭicca kusalo kenaci viññeyyo dhammo uppajjati ārammaṇapaccayā. Akusalaṁ kenaci viññeyyaṁ dhammaṁ paṭicca akusalo kenaci viññeyyo dhammo uppajjati ārammaṇapaccayā. Abyākataṁ kenaci viññeyyaṁ dhammaṁ paṭicca abyākato kenaci viññeyyo dhammo uppajjati ārammaṇapaccayā. (Saṅkhittaṁ.) Hetuyā nava, ārammaṇe tīṇi …pe… vipāke ekaṁ …pe… avigate nava. (Saṅkhittaṁ.) Nahetu Akusalaṁ kenaci viññeyyaṁ dhammaṁ paṭicca akusalo kenaci viññeyyo dhammo uppajjati nahetupaccayā. Abyākataṁ kenaci viññeyyaṁ dhammaṁ paṭicca abyākato kenaci viññeyyo dhammo uppajjati nahetupaccayā. (Saṅkhittaṁ.) Nahetuyā dve, naārammaṇe pañca, naadhipatiyā nava …pe… novigate pañca. (Saṅkhittaṁ. Sahajātavārampi …pe… sampayuttavārampi paṭiccavārasadisaṁ.) Hetu Kusalo kenaci viññeyyo dhammo kusalassa kenaci viññeyyassa dhammassa hetupaccayena paccayo … tīṇi. Akusalo kenaci viññeyyo dhammo akusalassa kenaci viññeyyassa dhammassa hetupaccayena paccayo … tīṇi. Abyākato kenaci viññeyyo dhammo abyākatassa kenaci viññeyyassa dhammassa hetupaccayena paccayo. (Saṅkhittaṁ.) Hetuyā satta, ārammaṇe nava, adhipatiyā dasa …pe… avigate terasa. (Saṅkhittaṁ.) (Yathā kusalattike pañhāvāraṁ, evaṁ vitthāretabbaṁ.)