Hetu pītisahagato dhammo hetussa pītisahagatassa dhammassa ārammaṇapaccayena paccayo … sahajātapaccayena paccayo … upanissayapaccayena paccayo. (Saṅkhittaṁ.) Nahetuyā nava, naārammaṇe nava. (Saṅkhittaṁ.) Hetupaccayā naārammaṇe tīṇi. (Saṅkhittaṁ.) Nahetupaccayā ārammaṇe nava. (Saṅkhittaṁ.) (Yathā kusalattike pañhāvārassa anulomampi paccanīyampi anulomapaccanīyampi paccanīyānulomampi gaṇitaṁ, evaṁ gaṇetabbaṁ.) 3.1.7.2. Sukhasahagatapada 3.1.7.2.1–6 Paṭiccādivāra Paccayacatukka 1.7.2.7. Pañhāvāra Paccayacatukka Hetu Hetuṁ sukhasahagataṁ dhammaṁ paṭicca hetu sukhasahagato dhammo uppajjati hetupaccayā … tīṇi. Nahetuṁ sukhasahagataṁ dhammaṁ paṭicca nahetu sukhasahagato dhammo uppajjati hetupaccayā … tīṇi. Hetuṁ sukhasahagatañca nahetuṁ sukhasahagatañca dhammaṁ paṭicca hetu sukhasahagato dhammo uppajjati hetupaccayā … tīṇi. (Saṅkhittaṁ.) Hetuyā nava, ārammaṇe nava, adhipatiyā nava …pe… avigate nava. (Saṅkhittaṁ.) Nahetu-naadhipati Nahetuṁ sukhasahagataṁ dhammaṁ paṭicca nahetu sukhasahagato dhammo uppajjati nahetupaccayā.