Hetuvippayuttaṁ akusalaṁ dhammaṁ paṭicca hetusampayutto akusalo dhammo uppajjati ārammaṇapaccayā. Hetusampayuttaṁ akusalañca hetuvippayuttaṁ akusalañca dhammaṁ paṭicca hetusampayutto akusalo dhammo uppajjati ārammaṇapaccayā. Hetusampayuttaṁ akusalaṁ dhammaṁ paṭicca hetusampayutto akusalo dhammo uppajjati adhipatipaccayā. (Saṅkhittaṁ.) Hetuyā tīṇi, ārammaṇe pañca, adhipatiyā ekaṁ, anantare pañca, samanantare pañca, sahajāte pañca, aññamaññe pañca, nissaye pañca, upanissaye pañca, purejāte pañca, āsevane pañca, kamme pañca, āhāre pañca, indriye pañca, jhāne pañca, magge pañca, sampayutte pañca, vippayutte pañca, atthiyā pañca …pe… avigate pañca. (Saṅkhittaṁ.) Nahetu-naadhipati Hetusampayuttaṁ akusalaṁ dhammaṁ paṭicca hetuvippayutto akusalo dhammo uppajjati nahetupaccayā. Hetusampayuttaṁ akusalaṁ dhammaṁ paṭicca hetusampayutto akusalo dhammo uppajjati naadhipatipaccayā. (Saṅkhittaṁ.) Nahetuyā ekaṁ, naadhipatiyā pañca, napurejāte pañca, napacchājāte pañca, naāsevane pañca, nakamme tīṇi, navipāke pañca, navippayutte pañca. (Saṅkhittaṁ.) Hetupaccayā naadhipatiyā tīṇi. (Saṅkhittaṁ.)