Uppanno hetu dhammo uppannassa hetussa dhammassa adhipatipaccayena paccayo … tīṇi. Sahajātapaccayena paccayo … aññamaññapaccayena paccayo … nissayapaccayena paccayo … upanissayapaccayena paccayo … vipākapaccayena paccayo … indriyapaccayena paccayo … maggapaccayena paccayo … sampayuttapaccayena paccayo … atthipaccayena paccayo …pe… avigatapaccayena paccayo. Hetuyā ekaṁ, ārammaṇe dve, adhipatiyā tīṇi, sahajāte ekaṁ, aññamaññe ekaṁ, nissaye ekaṁ, upanissaye dve …pe… avigate ekaṁ. (Saṅkhittaṁ.) Nahetuyā dve, naārammaṇe dve. (Saṅkhittaṁ.) Hetupaccayā naārammaṇe ekaṁ. (Saṅkhittaṁ.) Nahetupaccayā ārammaṇe dve. (Saṅkhittaṁ.) (Yathā kusalattike pañhāvāraṁ, evaṁ vitthāretabbaṁ.) Ārammaṇādi Uppanno nahetu dhammo uppannassa nahetussa dhammassa ārammaṇapaccayena paccayo. Anuppanno nahetu dhammo uppannassa nahetussa dhammassa ārammaṇapaccayena paccayo. Uppādī nahetu dhammo uppannassa nahetussa dhammassa ārammaṇapaccayena paccayo. Uppanno nahetu dhammo uppannassa nahetussa dhammassa adhipatipaccayena paccayo. Anuppanno nahetu dhammo uppannassa nahetussa dhammassa adhipatipaccayena paccayo.