Hetuyā satta, ārammaṇe nava …pe… avigate terasa. (Saṅkhittaṁ.) (Yathā kusalattike pañhāvāraṁ, evaṁ vitthāretabbaṁ.) 4.4.2.2. Anāsavapada Hetu Kusalaṁ anāsavaṁ dhammaṁ paṭicca kusalo anāsavo dhammo uppajjati hetupaccayā. Abyākataṁ anāsavaṁ dhammaṁ paṭicca abyākato anāsavo dhammo uppajjati hetupaccayā. (Saṅkhittaṁ.) Hetuyā dve …pe… āsevane ekaṁ …pe… vipāke ekaṁ …pe… avigate dve. (Saṅkhittaṁ.) (Sahajātavārampi …pe… sampayuttavārampi paṭiccavārasadisaṁ.) Hetu-ārammaṇādi Kusalo anāsavo dhammo kusalassa anāsavassa dhammassa hetupaccayena paccayo. Abyākato anāsavo dhammo abyākatassa anāsavassa dhammassa hetupaccayena paccayo. Abyākato anāsavo dhammo abyākatassa anāsavassa dhammassa ārammaṇapaccayena paccayo. Abyākato anāsavo dhammo kusalassa anāsavassa dhammassa ārammaṇapaccayena paccayo. Kusalo anāsavo dhammo kusalassa anāsavassa dhammassa adhipatipaccayena paccayo. Abyākato anāsavo dhammo abyākatassa anāsavassa dhammassa adhipatipaccayena paccayo. Abyākato anāsavo dhammo kusalassa anāsavassa dhammassa adhipatipaccayena paccayo. Kusalo anāsavo dhammo abyākatassa anāsavassa dhammassa anantarapaccayena paccayo.