Hetuyā tīṇi, ārammaṇe tīṇi, adhipatiyā cha, anantare nava, samanantare nava, sahajāte nava, aññamaññe nava, nissaye nava, upanissaye nava, kamme tīṇi, vipāke nava, āhāre tīṇi, indriye nava, jhāne tīṇi, magge nava, sampayutte nava, atthiyā nava …pe… avigate nava. (Saṅkhittaṁ.) Paccanīyuddhāra Hetu paṇīto dhammo hetussa paṇītassa dhammassa sahajātapaccayena paccayo … upanissayapaccayena paccayo. (Saṅkhittaṁ.) Nahetuyā nava, naārammaṇe nava. (Saṅkhittaṁ.) Hetupaccayā naārammaṇe tīṇi. (Saṅkhittaṁ.) Nahetupaccayā ārammaṇe tīṇi. (Saṅkhittaṁ.) (Yathā kusalattike pañhāvārassa anulomampi paccanīyampi anulomapaccanīyampi paccanīyānulomampi gaṇitaṁ, evaṁ gaṇetabbaṁ.) Hetudukahīnattikaṁ niṭṭhitaṁ. 3.1.15. Hetuduka, Micchattaniyatattika 3.1.15.1. Micchattaniyatapada 3.1.15.1.1–6 Paṭiccādivāra Paccayacatukka Hetu-ārammaṇa Hetuṁ micchattaniyataṁ dhammaṁ paṭicca hetu micchattaniyato dhammo uppajjati hetupaccayā … tīṇi. Nahetuṁ micchattaniyataṁ dhammaṁ paṭicca nahetu micchattaniyato dhammo uppajjati hetupaccayā … tīṇi. Hetuṁ micchattaniyatañca nahetuṁ micchattaniyatañca dhammaṁ paṭicca hetu micchattaniyato dhammo uppajjati hetupaccayā … tīṇi.
