Savitakkasavicāraṁ nahetuñca avitakkavicāramattaṁ nahetuñca dhammaṁ paṭicca savitakkasavicāro nahetu ca avitakkaavicāro nahetu ca dhammā uppajjanti hetupaccayā (tīṇi). Savitakkasavicāraṁ nahetuñca avitakkavicāramattaṁ nahetuñca avitakkaavicāraṁ nahetuñca dhammaṁ paṭicca savitakkasavicāro nahetu dhammo uppajjati hetupaccayā (ekaṁ). Savitakkasavicāraṁ nahetuñca avitakkavicāramattaṁ nahetuñca avitakkaavicāraṁ nahetuñca dhammaṁ paṭicca avitakkaavicāro nahetu dhammo uppajjati hetupaccayā (dve). Savitakkasavicāraṁ nahetuñca avitakkavicāramattaṁ nahetuñca avitakkaavicāraṁ nahetuñca dhammaṁ paṭicca savitakkasavicāro nahetu ca avitakkaavicāro nahetu ca dhammā uppajjanti hetupaccayā (tīṇi). Ārammaṇa Savitakkasavicāraṁ nahetuṁ dhammaṁ paṭicca savitakkasavicāro nahetu dhammo uppajjati ārammaṇapaccayā. Savitakkasavicāraṁ nahetuṁ dhammaṁ paṭicca avitakkavicāramatto nahetu dhammo uppajjati ārammaṇapaccayā. Savitakkasavicāraṁ nahetuṁ dhammaṁ paṭicca savitakkasavicāro nahetu ca avitakkavicāramatto nahetu ca dhammā uppajjanti ārammaṇapaccayā … tīṇi. Avitakkavicāramattaṁ nahetuṁ dhammaṁ paṭicca avitakkavicāramatto nahetu dhammo uppajjati ārammaṇapaccayā … cattāri. Avitakkaavicāraṁ nahetuṁ dhammaṁ paṭicca avitakkaavicāro nahetu dhammo uppajjati ārammaṇapaccayā … pañca. Savitakkasavicāraṁ nahetuñca avitakkaavicāraṁ nahetuñca dhammaṁ paṭicca avitakkaavicāro nahetu dhammo uppajjati ārammaṇapaccayā … tīṇi. Avitakkavicāramattaṁ nahetuñca avitakkaavicāraṁ nahetuñca dhammaṁ paṭicca savitakkasavicāro nahetu dhammo uppajjati ārammaṇapaccayā … cattāri.