Akusalaṁ lokiyaṁ dhammaṁ paṭicca akusalo lokiyo dhammo uppajjati nahetupaccayā. Abyākataṁ lokiyaṁ dhammaṁ paṭicca abyākato lokiyo dhammo uppajjati nahetupaccayā. (Saṅkhittaṁ.) Nahetuyā dve, naārammaṇe pañca, naadhipatiyā nava …pe… novigate pañca. (Saṅkhittaṁ. Sahajātavārampi …pe… sampayuttavārampi paṭiccavārasadisaṁ.) Hetu-ārammaṇa Kusalo lokiyo dhammo kusalassa lokiyassa dhammassa hetupaccayena paccayo … tīṇi. Akusalo lokiyo dhammo akusalassa lokiyassa dhammassa hetupaccayena paccayo … tīṇi. Abyākato lokiyo dhammo abyākatassa lokiyassa dhammassa hetupaccayena paccayo. Kusalo lokiyo dhammo kusalassa lokiyassa dhammassa ārammaṇapaccayena paccayo … tīṇi. Akusalo lokiyo dhammo akusalassa lokiyassa dhammassa ārammaṇapaccayena paccayo … tīṇi. Abyākato lokiyo dhammo abyākatassa lokiyassa dhammassa ārammaṇapaccayena paccayo … tīṇi. (Saṅkhittaṁ.) Hetuyā satta, ārammaṇe nava, adhipatiyā nava …pe… avigate terasa. (Saṅkhittaṁ. Yathā kusalattike pañhāvāraṁ, evaṁ vitthāretabbaṁ.) 4.3.6.2. Lokuttarapada Hetu