Kusalaṁ pītisahagataṁ dhammaṁ paṭicca kusalo pītisahagato dhammo uppajjati hetupaccayā. Kusalaṁ napītisahagataṁ dhammaṁ paṭicca …pe… kusalaṁ sukhasahagataṁ dhammaṁ paṭicca …pe… kusalaṁ nasukhasahagataṁ dhammaṁ paṭicca …pe… kusalaṁ upekkhāsahagataṁ dhammaṁ paṭicca …pe… kusalaṁ naupekkhāsahagataṁ dhammaṁ paṭicca … (Saṅkhittaṁ.) 4.7.9. Kusalattika, Kāmāvacaraduka Hetu Kusalaṁ kāmāvacaraṁ dhammaṁ paṭicca kusalo kāmāvacaro dhammo uppajjati hetupaccayā. Kusalaṁ kāmāvacaraṁ dhammaṁ paṭicca abyākato kāmāvacaro dhammo uppajjati hetupaccayā. Kusalaṁ kāmāvacaraṁ dhammaṁ paṭicca kusalo kāmāvacaro ca abyākato kāmāvacaro ca dhammā uppajjanti hetupaccayā. Akusalaṁ kāmāvacaraṁ dhammaṁ paṭicca akusalo kāmāvacaro dhammo uppajjati hetupaccayā … tīṇi. Abyākataṁ kāmāvacaraṁ dhammaṁ paṭicca abyākato kāmāvacaro dhammo uppajjati hetupaccayā. Kusalaṁ kāmāvacarañca abyākataṁ kāmāvacarañca dhammaṁ paṭicca abyākato kāmāvacaro dhammo uppajjati hetupaccayā.