Kusalo nakāmāvacaro dhammo kusalassa nakāmāvacarassa dhammassa ārammaṇapaccayena paccayo. Kusalo nakāmāvacaro dhammo abyākatassa nakāmāvacarassa dhammassa ārammaṇapaccayena paccayo. Abyākato nakāmāvacaro dhammo abyākatassa nakāmāvacarassa dhammassa ārammaṇapaccayena paccayo. Abyākato nakāmāvacaro dhammo kusalassa nakāmāvacarassa dhammassa ārammaṇapaccayena paccayo. Hetuyā dve, ārammaṇe cattāri, adhipatiyā tīṇi, anantare samanantare tīṇi, sahajāte aññamaññe nissaye dve, upanissaye cattāri, āsevane dve, kamme tīṇi, vipāke ekaṁ, āhāre dve …pe… avigate dve. (Saṅkhittaṁ.) (Yathā kusalattike pañhāvāraṁ, evaṁ vitthāretabbaṁ.) 4.7.10. Kusalattika, Pañhāvāra Hetu Kusalaṁ rūpāvacaraṁ dhammaṁ paṭicca kusalo rūpāvacaro dhammo uppajjati hetupaccayā. Abyākataṁ rūpāvacaraṁ dhammaṁ paṭicca abyākato rūpāvacaro dhammo uppajjati hetupaccayā. (Saṅkhittaṁ.) Hetuyā dve …pe… vipāke ekaṁ …pe… avigate dve. (Saṅkhittaṁ.) (Sahajātavārampi …pe… pañhāvārampi vitthāretabbaṁ.) Kusalaṁ narūpāvacaraṁ dhammaṁ paṭicca kusalo narūpāvacaro dhammo uppajjati hetupaccayā … tīṇi. Akusalaṁ narūpāvacaraṁ dhammaṁ paṭicca akusalo narūpāvacaro dhammo uppajjati hetupaccayā … tīṇi.