Naatītārammaṇaṁ dhammaṁ paṭicca …pe… naanāgatārammaṇaṁ dhammaṁ paṭicca …pe… napaccuppannārammaṇaṁ dhammaṁ paṭicca …. (Saṅkhittaṁ.) Hetuyā ekūnapaññāsa …pe… avigate ekūnapaññāsa. 7.20. Ajjhattattika Naajjhattaṁ dhammaṁ paṭicca naajjhatto dhammo uppajjati hetupaccayā. Nabahiddhā dhammaṁ paṭicca nabahiddhā dhammo uppajjati hetupaccayā. (Saṅkhittaṁ.) Hetuyā dve …pe… avigate dve. 7.21. Ajjhattārammaṇattika Naajjhattārammaṇaṁ dhammaṁ paṭicca naajjhattārammaṇo dhammo uppajjati hetupaccayā. Naajjhattārammaṇaṁ dhammaṁ paṭicca nabahiddhārammaṇo dhammo uppajjati hetupaccayā. Nabahiddhārammaṇaṁ dhammaṁ paṭicca nabahiddhārammaṇo dhammo uppajjati hetupaccayā. Nabahiddhārammaṇaṁ dhammaṁ paṭicca naajjhattārammaṇo dhammo uppajjati hetupaccayā. (Saṅkhittaṁ.) Hetuyā nava …pe… avigate nava. 7.22. Sanidassanattika