Hetuyā nava, ārammaṇe cattāri, adhipatiyā pañca …pe… aññamaññe cha …pe… purejāte āsevane dve …pe… avigate nava. Naarūpāvacaraṁ dhammaṁ paṭicca naarūpāvacaro dhammo uppajjati hetupaccayā. (Saṅkhittaṁ.) Hetuyā pañca, ārammaṇe dve …pe… vipāke dve …pe… avigate pañca. Napariyāpannaṁ dhammaṁ paṭicca pariyāpanno dhammo uppajjati hetupaccayā … tīṇi. Naapariyāpannaṁ dhammaṁ paṭicca pariyāpanno dhammo uppajjati hetupaccayā … ekaṁ. Napariyāpannañca naapariyāpannañca dhammaṁ paṭicca pariyāpanno dhammo uppajjati hetupaccayā … ekaṁ. (Saṅkhittaṁ.) Hetuyā pañca, ārammaṇe dve …pe… avigate pañca. Naniyyānikaṁ dhammaṁ paṭicca aniyyāniko dhammo uppajjati hetupaccayā … ekaṁ. Naaniyyānikaṁ dhammaṁ paṭicca aniyyāniko dhammo uppajjati hetupaccayā … tīṇi. Naniyyānikañca naaniyyānikañca dhammaṁ paṭicca aniyyāniko dhammo uppajjati hetupaccayā … ekaṁ. (Saṅkhittaṁ.) Hetuyā pañca, ārammaṇe ekaṁ …pe… vipāke ekaṁ …pe… avigate pañca.